November 25, 2020. Tuesday din Actor Ashiesh Roy kidney bemar para morishe. Tai toh 55 umer thakishe. Etu saal May moina para Roy laga halat besi beya hoikena, tai Mumbai hospital ICU te elaj kori thakishe. Ashiesh Roy laga staff member para khobor toh janai thishe. Tai para indianexpress.com te Actor toh tai laga ghor para morishe koishe. “tai toh 3.45 am samai kerishe. Roy toh Kidney bemar nemite dialysis loi thaka te jaa hafta toh bhal thakishe. Tai laga didi aji sam Kolkata para ahibo, etu beche funeral toh lobo,” koikena staff manuh para janaishe.
Cine & TV Artistes’ Association (CINTAA) para Ashiesh Roy mora oper te mon dhuk kowa social media te janaishe. “#CINTAA para koishe, Shri Ashiesh Roy (Member: January 2003) saal para thakishe, tai oper tem on dhuk janai ase.” Celebs filmmakers neshina Hansal Mehta aro Ashwini Chaudhary aro actors Sooraj Thapar, Aasif Sheikh, Tinaa Ghai and Ssumier S Pasricha para be Ashiesh Roy mora nemite kotha koishe. Ashiesh Roy toh television shows neshina Remix, Baa Bahu Aur Baby, Sasural Simar Ka, Mere Angne Mein aro Aarambh te olai thakishe aro tai laga films toh Home Delivery aro Raja Natwarlal ase. May moina te Ashiesh Roy para social media te tai dialysis elag kori thakishe aro tai para manuh ke motob be mangkishe. “ami ICU te ase besi bemar Dialysis lui ase” koikena, Ashiesh para Facebook te leikeshe aro dosura kotha eta toh “dialysis nemite poisa be laki ase”. Ashiesh Roy laga kotha toh social media te thikina, film bona manuh Hansal Mehta para film te kam kora manuh khan logot poisa para motob koriboli koishe.
Add Comment