Anupa Das, KBC 12 laga 3rd crorepati hoishe

November 26, 2020. November 25 darik laga Kaun Banega Crorepati 12 episode toh besi bhal thakishe. Sony TV para Anupa Das 3rd crorepati howa thikishe. Manuh sob para tai RS 7 crore jackpot laga sawal toh jawab thiboli roki thakishe. Anupa Das toh Bastar, Chhattisgarh District para ase aro toh 3 maiki wala ase 1 crore jetishe. Olop din agae te Nazia Nasim, Delhi para communications manager  thakishe aro IPS officer Mohita Sharma, Himachal Pradesh para etu reality show te Rs 1 crore tai jun para be loikena jaishe. Anupa Das toh teacher ase aro tai koishe ke keman poisa jetibo, tai ama ke cancer elaj kora samai jolabo. Etu episode samai, Anupa para host Amitabh Bachchan ke dhuk kisa pura janai thishe. Etu oper, tai para koishe ke,tai etu show te ahiboli nemite 20 saal oper loishe. Tai Rs 1 crore jeeta nemite Amitabh para brilliant game ase koishe. Anupa Das para mon dhuk hoikena Amitabh Bachchan logot koishe, tai eman tangor poise jetiboli bapana kora nai. Amitabh para koishe ke, tai game kelai toh asani nahoi, hoilebi besi bhal para kelishe. Amitabh Bachchan para Anupa laga ama logot video call korikena tai laga bacha para Rs 1 crore jeeta toh junai thishe.