Supreme Court of India pora juwa Kali( Yesterday) 26 Sep 2018 te India laka citizens kan nemete peshe phal order janai deshe. Supreme Court laka order toh 10:30 am pora 11:30am tak te honaiteshe . Supreme Court orders koise Aadhaar toh valid ase holibhe sob kam nemete compulsory nokorebo.Supreme court koishe Sim card nemete Aadhaar card nalakebo,School/college admission nemete ,NIIT/CBSE exams nemete Train/ Flight ticket nemete Aadhaar nalakebo.Private companies kan pora Aadhaar mangebole naparibo koishe. Income tax return file korebole aro Pan Card nemete Aadhaar lakebo.Etu order toh Supreme court laka Justice AK Sikri pora koishe. Khobor hesab te aadhaar taka manu kan laka Aadhaar te problem takhelebe tai laka right toh papo koishe. Supreme court laka Justice Chandrachud phe judgement teshe. Tai koihse Aadhaar Bill toh money bill hesab te pass korah toh peshi dangor kolti ase. Aro etu kolti nemete Aadhaar laka bill toh cancel korebole right ase koishe. Congress party pora koishe Supereme court laka result pora BJP party laka muk (face) te peshi phal pora Taphar (slap) marishe. Hoilibi BJP koishe ke etu toh BJP nemete peshi dangor jet (victory) ase. Supreme Court pora Aadhaar Bill laka Section 33(1), 33(2), 54 aro 57 pehali teshe.Pohila toh Aadhaar laka data lowa toh 5 years nemete rekebole ponishe. Eteya Supreme court laka order hesab te data collect kora toh kali 6 mohina rakebo aro etu peche te data toh phela pole lage (destroy) koishe. April 2017 te 1.4 Million Jarkhand manu laka data toh website te thale deshe. Etu data te manu kan laga bank account number, naam, jonum din aro address kan sob takeshe.Punjab te bhi 20,100 manu laka data toh webside te thale deshe.
Aadhaar laka Brief History
Aadhaar toh 2009 sal te Shuru koresehe.
Aadhaar laka data collect kora time te Government pora Aadhaar Bill pass kore kena thaka nai.
2009 pora Feb 2016 tak data lowa toh eku bill natake kena koreshe.
2012 the Karnataka laka retired High court Juge pora Aadhaar to tek nai koi ken a supreme court te PIL file koreshe.
23 Sep 2013 Supreme court pora interim order de koishe ke aadhaar compulsory nohobo.
15 October 2015 teh 5 Judge bench Supreme court pora Aadhaar toh compulsory nohobo koishe.
Aadhaar bill toh 25 March 2016 te pass koreshe.
24 August 2017 Supreme court pora right to privacy toh manu laka fundamental right ase koishe.
21 October 2017 teh Reserve Bank of India pora koishe bank acccont logot Aadhaar join korebole compulsory nohoi.
17 Jan 2018 Supreme court pora Aadhar lak kelaf case takha kan honishe.
26 Sep 2018. Superem court pora Aadhar toh Valid ase holibhe sob kam nemete compulsory korebole netebo koishe.
Add Comment