CM Rio NH 29 nemite sabole kurise

KOHIMA, SEPTEMBER 26 : Chief Minister Neiphiu Rio pora aji NH 29 laga kunoba biya huijaa ke sabole kurise (inspected). Etubi KMC laga moila bhela jaka te. Kele etu jaka te July 31 porahi pani besi kera time te mati keraide kena aro rasta kan sob biya kuride kena thakise. Etu nemite tai etu jaka te ki-ki biya kuride kena thaka logo taro banaidebole karne ki-ki sob sai kena thakise koise. Etubi Chief Engineer (National Highways) Er Kezha Theunuo, EE (NH), SDO (NH) aro State Sorkar laga Officials kan bi thaka time te. Etu time te Chief Engineer pora Chief Minister Rio ke etu rasta toh khali halka kari kan hi aha-jua kuribole debo. Aro tusera bhari kari kan toh khali Dimapur te jaa neje rasta tehi jabole debo. Aro tusera bhari kari kan Kohima te ahebole kura kan toh Peducha-Tsiesama Rasta phale hi berabole debo koi kena janaise. Aro tai bi etu rasta toh asulte July 29 porahi kholibole thaka ase koi kena janaise koise.