Agencies, 02 December: India’s sprint sensations Hima Das aro Dutee Chand toh women’s 4x100m relay team te melibole ase. Tai khan toh Tokyo Olympics te qualify nemide daiyar kori ase.
2018 te ektum phal performance te tai Jakarta Asian Games te 400m silver jetishe thakise. Komor te jokhom powa nemide Hima Das ke 400m major events te polabole dekhari powa thakise hoilebe tai last season Europe te low-key races te haat bhorda medals jeta thakise.
India’s chief national coach Radhakrishnan Nair para etiya Homa toh relay nemide Dutee aro tusara members logode daiyar koribole ase koise. Ketiya tak 100 m polai komor laga issue toh nai koise. Etu nemide tai ke toh shorter relay te polabole rakhibo koise.
Tai koise, Homa, 2018 junior world 400m champion, personal best 50.78 secs ke toh 11.50 secs nejae 100m te polabole pari.
Choita nesana Indian sprinter kjhan 11.50 sec nesana te pola khan toh ase aro Dutee laga personal best toh 11.22 secs ase koise. Etu toh advantage ase koise June end para top 16 global ranking te kamiyaab koribole nemide aro Olympics te compete nemide eligible hobole koise.
Dutee hisaab te, national relay squad te top six laga personal best toh 11.50 secs aro 11.60 secs majode ase.
Add Comment