KIPHIRE, SEPTEMBER 27 : Nagaland Governor, Shri PB Acharya pora Rs. 2 lakh poisa toh Akehda Sangtamlaru Thsingmujang (Sangtem Women Organisation), Kiphire ke dedese. Kedia tai Kiphire District te 20th September 2018 te jaa time te. Aroe tu poisa diya toh Kiphire te Marketing Shed (Bazaar) banabole aro kholibole nemite diya laga ase koise.
Etu Organisation laga members kan President, Smti Thsatila pora ahkete luijai kena thaka ke kotha kurikena etu Governor pora etu poisa diya khobor te janaise. Tai bi etu poisa pora Marketing Shed banaide kena aro aro kholide kena maiki kan ki-ki bekabole kura besi bhal pora ahkete luijabole kura hobo bari koi kena janaide thakise. Etubi sabha-sabhi pora.
Organisation kan porabi Governor ke District Administration kan Civil Societies kan ke eke pora melekena etu bazaar nemite ki-ki bekabole saman kan toh bhal-bhal anedebole kuri ase. Aro etu saman kan toh lagaa manu kan kehi ahkete punjaidebole kuri ase koi kena janaise. Etu oporte Organisation AST porabi Governor ke ekta Representation dedese. Etu ke tai kan District laga Health Sector kebi motub kuridebole aro saidebole kuribi koi kena janaise koise. Kele etu District Hospital laga staffs kan bhal nai aro ki-ki saman kan bi (machines/equipment) naihi nai koi kena. Aro etu pora ped te bacha thaka amma kan nemite besi diktar hui koi kena janaide thakise.
Alak-alak Organisations kan kobi United Sangtam Likhum Pumji, Yimchunger Tribal Council aro Eastern Sumi Hoho kan pora Representation toh melekena Governor ke dedese. Etubi tai kan district laga manu kan kiman dukh bai kena thaki ase koi kena. Etu karne etu kotha ke Organisations kan pora Governor ke Road, Health aro Public sectors kan nemite bhal te saidebole kurikena ahkete luijabole kuridebi. Kele etu porahi tai kan district ke bhal te ahkete luijaa hobo koi kena. Aro tai kan bi tai kan district nemite ahkete luijabole kura sob ke bhal te mon melekena kam kuribole kuri ase (cooperate in any developmental activities) koi kena janaide thakise koise.
Etu kan sob oporte Governor PB Acharya porabi Village Councils kan Pungro, Phelunger aro Mimi bosti laga kan ke Portable Generators kan dedese koise.
Add Comment