Agencies, 07 December: Meghalaya para Former Shillong Lajong coach Alison Kharsyntiew toh NorthEast United FC (NEUFC) te team laga assistant manager nemide join hobo.
Etu khobor Twitter te confirm korikena NEUFC koise, :Ami khan toh Coach Alison Kharsyntiew ke NEUFC Coaching Setup te welcome kuribole kushi ase”.
Meghalaya para Alison toh ami khan lgoode Indian Assistant Manager hisaab te first team te join hobo koise.
NEUFC para be Alison toh poila Shillong Lajong FC logode kaam kora thakise koise. Tati tai Highlanders ke daiyar kora toh Rakesh Pradhan, Nim Dorjee, Nabin Rabha aro Pragyan Gogoi nesana khan ase koise.
Alison toh government para pandemic nemide COVID19 protocols bona sob te kothom howa bechide team logode join hobole ase koise.
NEUFC para Alison toh ground te sob COVID Protocols kothom howa bechide join hobo koise aro protocols te tui hapta mandatory quarantine be melikena ase koise.
Sources hisaab te, Alison toh 2012 para Shillong Lajong te youngsters ke lead kora laga experience ase aro tai para be senior team logode assistant coach nemide olob role kora thakise.
NorthEast United FC toh Indian Super League (ISL) 2020-21 te nahari kena agae jai ase. Tai khan Saturday kheli SC East Bengal kelaaf te 2-0 para jeta bechide points table te second jaga te othise.
Add Comment