Agencies, 11 December: Indian Weightlifting Federation (IWLF) para national camp toh Patiala para Mumbai te tui moina nemide December 21 para suru korikena shift koribole fesla korise. Etu toh hoile ahibole laga sal Tokyo Olympics lobole nesana howa te nemide lifer khan gorom jaga te thek para train koribole nemide ase.
Eight weightlifers toh tuita moina camp te hisha thakibole ase aro etu toh Railway’s Mahalakshmi Stadium in Mumbai te lowa thakibo. Aro Patiala’s summer toh gara ase aro city te sal laga etu samai te ektum dhanda mosoom thaki.
Friday te IWLF General Secretary Sahdev Yadav para PTI ke tai khan Mumbai te shift koribole fesla lowa toh janaideya thakise kelay koile Patiala te dhanda howa nemide.
Yadav para be Tokyo Olympics samai te toh ektum gorom thakibole ase koise. Etu para tai khan weightlifters para training toh eki weather conditions te lobole nemide mon ase koise. Tai khan toh Mumbai te tui moina nemide thakibo aro etu becite tai khan ke aro mata thakibo koise.
Former world champion Mirabai Chanu aro two-time Commonwealth Games gold medallist Sathish Sivalingam toh USA te rehabilitation-cum-training programme te national coach Vijay Sharma logode ase aro desh te toh December 17 te korabole bhabona ase. Tai khan toh Patiala te National institute of Sports te campers thaka khan logode join howa thakibo aro eki logode group toh Mumbai nemide December 20 te ora (fly) thakibo.
Sharma koise, “Patiala te dhanda nemide ami para camp toh Mumbai nahoile Chennai te shift koribole request korise. Tai khan para Mumbai finalised korise”.
Tai para be tai khan toh Railway laga Mahalakshmi Stadium te training koribole ase koise. Etu toh ekta phal centre ase, tati besi Railways camps loise aro safe aro secure ase koise.
Six lifers te Youth Olympics gold medallist weightlifter Jeremy Lalrinnunga, Achinta Sheuli, Asian Championship silver medallist Jhilli Dalabehera, Commonwealth Championship gold medallist P Anuradha, Rakhi Halder aro Sneha Soren ase. Tai khan toh aji kali Patiala te training loi ase.
Tusara sport nesana, weightlifting te be COVID-19 pandemic para dekhthari paise.
Olympic qualifying schedule be International Weightlifting Federation (IWF) logode beya hoise. Five continental championships cancel koribole ola te Asia event be melikena thakise. Tournament toh March para suru koribole bhabona ase.
Add Comment