December 12, 2020. Bollywood choreographer aro director Remo D’Souza toh heart attack hoikena hospital te admitted korishe koishe. Remo D’Souza toh etai Kokilaben Hospital, Mumbai te elaj loi ase. Notun khobor hesab te, Remo D’Souza toh ICU te nai hoilebi tai laga halat toh bhal wala ase koishe. Tai hospital te admitted kora samai angiography test loikena ase.“etu block kora ase aro aha 24 gonda samai toh besi important ase”, koikena Kokilaben Hospital, Mumbai te doctors khan para koishe. Remo D’Souza para choreographing ekla nahoikena, tai para Bollywood film neshina FALTU, ABCD, ABCD 2, The Flying Jat, Race 3 aro Street Dancer 3D, directed korikena ase. Besi sal para tai toh alag-alag dance shows te be judge korikena ahishe, etu oper te Jhalak Dikhla Ja and Dance Plus khan be te olaikena ase. Desh te Remo D’Souza toh sobse bhal choreographers ase. Tai laga super hit films toh- Tum Bin’, ‘Kaante’, ‘Dhoom’, ‘Rock On’ aro ‘Yeh Jawaani Hai Deewani’ ase.
Add Comment