Kohima, 12 December: Nagaland Olympic Association (NOA) para affiliated associations lofode Annual General Meeting toh December 11, 2020 te Banquet Hall, State Guest House, Kohima te loise.
Hon’ble Chief Minister, Neiphiu Rio toh NOA laga president be hoi. Tai para presidential address te, State te besi challenges lok powa opor te kotha korise. Rio para sport toh highly competitive aro ekta full time job ase aro etu te discipline, commitment aro dedication toh laki aro recognition aro reward pai/gamai koise.
Rio para Nagas toh etiya be undisciplined, poor, backward aro ekta minority te ase koise hoilebi jaija sal-sal para besi toh learnt korise koise aro tai para be State te besi talents toh ase koise. Hoilebe tai khan ke lakiya opportunity toh nai koise kelay koile facilities, funds aro tusara resources te komti howa nemide koise. Tai para be COVID-19 pandemic nemide besi kaam khan toh rokhai kena ase koise hoilebi tai para manu khan toh agae jai thakibole aro pandemic nemite notun jevaan bona hisaab te etu logode jinda thakibole janibole koise. Tai para be NOA nemide office complex (pura sal joli thakibole) bonabole opor te suggest korise.
Meeting samai te CM Neiphiu Rio para be Nagaland Athletics Association laga website suru kora thakise.
Association laga Secretary General, Abu Metha para presentation deya te association laga history aro aji kali laga active ities opor te kotha kora thakise. Tai para Nagaland Olympic Association toh 1987 te bona laga ase koise. Hoilebe NOA te In dian Olympic Association para affiliated toh khali 2004 te he paise aro etu toh b esi manu khan laga kosish te Chief Minister, Neiphiu Rio aro Er. Lanu Toy, NOA laga found president nesana khan laga kosish nemide ase koise.
Metha para be State te thek sports infrastructures nathaka opor te kowa thakise aro tai para be Kohima te Indira Gandhi Stadium aro Sovima te Cricket Ground toh he State te thek aro standard facilities thaka ase koise. Tai para be b esi sports associations reform bonabole aro tai khan te gara koribole koise aro alak alak fields te sports persons nemide posts reservation nemide plan korise.
Nagaland Wrestling Association para presentation te NWA te affiliation toh sob district nahoile tribe nemide khula ase koise. Aro Nagaland Athletic Association para presention deya samai besi goals aro targets te highlight kora thakise. House te besi agendas toh annual meeting samai approval nemide lowa thakise.
Meeting te Meren Paul, Senior Vice President, NOA toh chaired thakise aro welcome address toh K. Kire, Vice President para deya thakise aro vote of thanks toh Neivikuolie Khatsu, Assistant General Secretary para kowa thakise.
Add Comment