Agencies, 22 December: Badminton World Federation (BWF) para 2021 laga first half nemite (17 tournaments be melikena) tournament calendar janaishe. Etu toh Tokyo Olympic Games nemite qualification tournaments hisaab te hobole ase.
Notun dekha BWF tournament calendar te besi tournaments toh Q1 aro Q2 para postpone dekhise aro Grade 2 tournaments cancel howa thakise.
Season toh Yonex Thailand Open 2020 logote January 17-21 para suru hobo aro Russia Open logote July 25 te kothom hobo.
Race to Tokyo nemite Olympic Qualification samai toh 2021 para suru hobo aro first tournament counting qualification nemite Yonex Swiss Open 2021 hobo aro etu toh March 2-7 para lobo.
Qualification samai toh New Delhi te May 11-16 para Indian Open 2021 nalowa tak lobo.
Qualification toh Race to Tokyo Rankings para fesla hobo aro BWF para etu toh May 18 te published koribo koise. BWF Council para etu toh Tokyo Olympics te seedings nemite jolabole ase koise. BWF world rankings toh World Tour Finals 2020 bechite lobo. World Tour Finals 2020 toh January 27-31 te Bangkok te lobo. Next BWF world rankings list laga gindi/hisaab toh February 2 te janaidebo.
BWF Secretary General Thomas Lund para etu deadlines bona toh COVID-19 te dekhara nathaka nemite bonaishe koise aro extra time toh Covid-19 safety protocols lakiya logote tournament lobo nemite laki koise.
BWF para Tokyo 2020 Olympic Games qualification system update koribole nemite IOC logode kaam kori ase koise. Etu te final updated regulation toh IOC para formal approval bechite mid-January te janaidebo koise.
Add Comment