Country singer Kay Toinette Oslin morishe

LOS ANGELES: December 27, 2020. Country singer Kay Toinette Oslin, 78 umer,  tai ke K.T Oslin, nam para be jani thaka toh tai laga ghor suburban Nashville, Tennessee te Monday phujur te morishe. Tai laga sathi Robert K. Oermann para koishe, tai mora khobor toh aunty para honishe, hoilebi tai ke nemite morishe khobor toh jana nai. Oermann para koishe, Oslin toh 1995 saal te tin par surgery korishe aro Parkinson’s para bemar thakishe. Tai para aro koishe, jaa hafta tai logot COVID-19 positive tested paishe. Oslin toh Crossett, Arkansas, te jonom paishe hoilebi bacha time para Mobile, Alabama te thakishe. Chokuri time te Houston te thakishe. New York City te tai theatrical productions te chorus girl thakishe aro etu beche studio backup vocalist aro ad jingle singer neshina kam kori thakishe. Oslin toh 40 umer samai Country music olaishe aro tai para gaana besi lekishe. Tai laga albums “80’s Ladies” aro “This Woman” toh 1 million kitab bekaishe. Tai laga aunty para USD 7,000 loaned thikena Nashville showcase te kam korishe aro etu para RCA Records paishe. Tai para 1986 saal te RCA recording contract paishe kam kori thakishe. “K.T. Oslin toh Country Music te sobse bhal awaaz thakishe aro maiki manuh nemite ‘80’s Ladies’ hit thakishe”, koikena Country Music Association laga CEO, Sarah Trahern para janai thishe. Tai toh 1987 saal te tai laga gaana “80’s Ladies,” nemite first Grammy paishe aro etu beche 1988 saal te “Hold Me” gaana para aro tuita Grammy Awards jetishe koishe.