Agencies, 27 December: Ahibole I-League laga season West Bengal te lobole laga te hisha lobole nemite Aizawl FC laga 39-man squad te coaching staff be melikena Saturday te Mizoram para charishe. Khobor hisaab te, Aizawl DC toh Kalyani Municipal Stadium te January 9, 2021 te RoundGlass Punjab FC logote lok koribole ase.
Aizawl FC para team laga full squad naga naam toh olaise. Etu toh ahibole I-League laga season nemite ase.
Team laga 30-man squad te tinta foreigners be melikena ase aro team laga tusara bacha khan toh Mizoram para ase.
Aizawl FC para Alfred Jaryan aro Richard Kassaga laga naam toh last season para book kori rakha ase. Club para Princewill Emeka Olariche ke toh Nigeria para sign korise.
Last season te, Emeka toh TRAU FC nemite khela thakise aro tai para I-League te tinta goal deya toh 15 par ola te deya thakise.
Stanley Rozario toh etiya be team laga coach hisaab te ase.
Aizawl FC para I-League title jeta toh 2016-17 season te thakise.
Rozario toh Covid19 para infect howa thakise hoilebe tai toh bemari para pura phal hoija thakise.
Thursday te I-League virtual media day samai te Fleming para sob toh special ase. Sob game toh notun challenges te anibo. Mohammedan toh rich legacy nemite famous ase kowa thakise.
Tai aro koise, “Northeastern clubs toh hotai apuni ke tai khan laga phal players logote ashrut kori. Etu toh terrific league hobole ase. Ami khan sob ke eki saman para sabo. Etu league toh marathon nahoi kena ekta sprint hobole ase”.
Add Comment