Agencies, 28 December: ISL 2020-21 laga window toh clear hoise kelay koile AFC Champions League laga group stage round suru koribole laga direk February 15 para April te postpone koribole howa nemite.
AFC member desh khan para etu nesana eki khobor toh jana be janaise.
DC Goa toh etu season Asian Champions League laga group stage te hisha lobole first Indian club hobole ase.
Tai khan laga Indian Super League campaign te dekthari nahobo. Poila tai khan top continental event bondh kora te monchinda kora thakise.
ISL para fixtures toh January 11 tak janai kena ase aro bachi thaka league laga fixtures nemite schedule toh janaidebole biswas kori ase.
ISL season 7 toh international break agae te mid-March te kothom hobole bhabona ase aro India para Qatar kelaaf World 2022 FIFA Cup qualifiers toh host koribole bonaikena (set) ase.
AFC Cup te ATK Mohan Bagan aro Bengaluru FC melikena ase aro etu toh April te centralised venue te host koribole ase. ACL te FC Goa para tai khan laga group stage games toh khor aro pahar te khelibo pari.
Asian Football Confederation laga fesla April bechite sob club competitions lobole aha toh ISL nemite aram hisaab te ase. Kelay koile league toh Goa te bio-secure bubble te khela nemite aro FC Goa competition te mela para scheduling aro team exiting aro bubble te re-entering nemite dekthari napabo.
Add Comment