December 29, 2020. Actor Irrfan Khan laga last film “The Song of Scorpions” toh cinema halls te 2021 sal te release hoboli ase, koikena Monday din te junaishe. Panorama aro 70mm para film toh thikabo. India desh pura 2021 samai Feather Light aro KNM production para film toh present koribo. “ami khan para etu film toh audiences logot Indian cinema te Actor Irrfan Khan mora nemite saman koribo. India cinema aro bahar desh era te tai laga acting nemite thikabo,” koikena Panorama Spotlight laga producer aro director Abhishek Pathak para statement te koishe. Film toh Anup Singh para lekishe aro directed korishe. Tai para aro Irrfan laga drama “Qissa” toh be directed kora ase. Etu film laga kisa te jawan maiki (Iranian actor Golshifteh Farahani) oper te bona ase. Irrfan toh April moina 54 umer samai te morishe, tai film te camel malik ekta olai. Dosura starring toh actor Waheeda Rehman be olai. “The Song of the Scorpians” Locarno, Switzerland te Locarno Film Festival te duniyaa pura te thikaishe. Irrfan laga last tangor screen te thika toh Homi Adajania’s “Angrezi Medium” march moina te olaishe.
Add Comment