Agencies, 03 January: Indian women’s hockey team te Rani Rampal para led korikena Sunday din desh para Argentina laga tour nemite charise. Tai khan toh pandemic karni para ek sal naponjikena break thaka bechite international match gamabo nemite shai ase.
Indian team khan toh besi moina nemite Bengaluru jaga laga Sports Authority of India centre te train kori thakise. Kelay koile pandemic karni para international competition toh rokhai kena thaka nemite.
Indian team toh world number two Argentina side kelaaf jarta match khelibole ase aro etu toh January 26, 28, 30 aro 31 te thakibo. Etu agae te, tuita matches toh Argentina laga junior aro B sides kelaaf khela thakibole ase.
Hockey India aro host desh laga national association para bio bubble toh tuita teams nemite bonaishe. Indian team toh ekta hotel te thakibo aro tati sob meals, team meeting aro session nemite provision thakibo.
Pura Indian contingent toh desh para nachara agae 72 khonda te COVID-19 RT-PCR test loise.
Argentina te ponja nemite quarantine lakiya toh nai. Hoilebe team para sob safety aro health measures respective government of India aro Argentina para deya te manibo lakibo koise.
India laga vice captain aro goalkeeper Savita para Hockey India aro SAI ke dhanyaabad korise kelay koile Argentina te tour nemite daiyari kora nemite.
Add Comment