Washington, United States: Nancy Pelosi toh US House Speaker te ekla maiki manuh ase. Sunday din tai ke aro junishe. Notun Congress bakh kora te Donald Trump laga presidency final hafta te tai olop para olaishe. Pelosi, toh 80 umer ase, tai para 5 jun Democrats pithor te floor vote samai olaishe. McCarthy para Pelosi logot gavel toh hath te thishe. “ami khan besi dukh thaka samai notun congress toh soruh hoi ase,” koikena Pelosi para chamber logot koishe. Etu oper te tai para Covid-19 nemite 20 million oper bemari ase aro 350,000 neshina manuh morikena ase koishe. “ami khan laga sobse tangor kam toh coronavirus bemari jetiboli lage, etu nemite jolti kam koribo” aro ami khan etu jetibo”, tai koishe. Vote thiboli besi gonda loishe, keli koile kanoon bona manuh khan para coronavirus bemari samai social distancing hokom bona nemite. Pelosi toh Congress te Trump laga chief nemesis thakishe, aro tai jun pithor t etui sal neshina larai kori ahishe. December 2019 sal te Trump ke olai thishe, hoilebi Senate para 2020 sal te tai logot eku kolti panai. Tai laga successor, Joe Biden para January 20 darik te office toh loikena jabo ase koishe. Neum hesab te House te 435 seats thaki, hoilebi Sunday din 427 votes ekla thishe, keli koile congressmen khan Covid-19 nemite quarantine te ase aro New York te tight House laga khobor toh fesla loboli ase. Ekta congressman Louisiana para junai Luke Letlow toh jaa hafta Covid-19 bemari para morishe, tai kosom koriboli olop din thaka akhe te mora ase.
Nancy Pelosi ke US House Speaker re-elected korishe
