January 5, 2021: U.S. drugmaker Moderna Inc para COVID-19 vaccine bona toh Israel’s health ministry para jolaboli manishe koikena company aro Israeli officials para koishe. North America bahar te first ase aro etu vaccine mania toh third wala ase. “Israel laga Ministry of Health para 6 million doses mangkishe aro January moina te vaccine thiya soruh koribo”, koikena Monday din Moderna para statement te janaishe. Israel health ministry director-general Hezi Levy para koishe, vaccine bahar para ahiboli toh fesla hoishe. Radio station 103FM te interview samai tai para saman laga detail khobor toh kowa nai aro saman ahiboli darik toh kotha kori ase koishe. United States aro Canada te Moderna logot COVID-19 vaccine joboli hokom toh paikena ase aro etu oper te European Union, Singapore, Switzerland aro Britain te be maniboli kotha koi ase. Israel te tai khan laga manuh logot vaccine deya rate toh besi othishe aro January moina dak te manuh sob logot paijaboli koishe. Authorities khan para Pfizer aro BioNTech vaccine tohDecember 19 darik te soruh hoikena ase. Monday din Bank of Israel para koishe, COVID-19 vaccination toh manuh logot jolti soruh hoile, 2021 sal te economy toh jolti othibo. Monday din Moderna para dosura khobor ekta te koishe, 2021 sal dak te COVID-19 vaccine toh komti hoilebi 600 million doses bonabo. Etu sal pithor te 1 billion doses bonabo nemite company khan para invest aro hire hoikena kam kori ase. Moderna para U.S government ke 18 million doses supplied thikena ase, tai khan pithor te 200 million doses thiboli fesla te, etu oper te Canadain government logot be 40 million doses thiboli signed hoikena ase koishe.
Israel para Moderna COVID-19 Vaccine jolaboli manishe
