Grammy Awards postponed, March 14 tae thakibo

January 6, 2021. Grammy Awards 2021 postponed hoishe. Grammy Awards 2021 toh January 31 darik loboli thakishe, hoilebi COVID-19 cases toh Los Angeles, United States te besi othi thaka nemite Awards show toh postponed korishe. Grammy Awards toh March 14 darik te thakiboli fesla loishe. “health experts khan logot besi deri kotha kora beche, ami khan laga host aro artists khan para 63rd Annual Grammy Awards toh Sunday, March 14, 2021 te loboli fesla korishe,” koikena Grammy Awards organizers khan para junai thishe. Los Angeles te COVID-19 halat toh besi beyi jowa nemite tangor bapana ase etu nemite Grammy Awards organizers khan para Awards thakiboli toh postponed korishe. “Los Angeles tae COVID halat toh besi beya ase, hospital service khan bapana tangor ase, ICUs tae manuh purta hoishe. State aro local governments laga notun hoshari kam te etu show  toh postponed koriboli olaishe,” Grammy organizers khan para aro koishe. “music community laga health aro safety oper te important nai, aro hundreds manuh khan show nemite mon thikena kam kori ase” organizers para aro janaishe.