MUMBAI: Bollywood actors Arbaaz Khan, Sohail Khan aro bacha Nirvaan Khan logot quarantine hokom namanai nemite FIR filed korishe koishe. Sources para khobor koishe, tai khan tin(3) jun toh United Arab Emirates para Mumbai te December 25, 2020 te ahishe aro tai khan para government officials logot nejor Hotel Taj Lands End, Mumbai te quarantine koriboli koishe. Hoilebi tai khan para hotel booking toh cancelled hoikena ghor te direct jaishe koishe. Tin(3) ke toh under IPC Sections 188 te booked korishe, etu section pithor te public servant para neum namana aro kotha kowa neshina nakora nemite, etu oper te bemari toh dosura manuh logot be spread hoboli chance ase koishe. Hotel management para officials khan logot tin jun toh hotel pithor te aya nai koishe. Sohail para officials ke tai khan sob manuh be virus toh negative test paishe etu nemite ghor te jaishe.
March 18, 2026
World's First and Only Nagamese Newspaper
Add Comment