Priyanka Chopra para We Can Be Heroes laga sequel junaishe

January 7, 2021. Actor Priyanka Chopra para superhero film We Can Be Heroes, olop din akhe te release kora laga sequel toh junaishe. Robert Rodriguez para lekishe aro directed korishe. Etu film toh The Adventures of Sharkboy aro Lavagirl 3-D aro Spy Kids franchise oper te bona ase. United States te etu film toh Christmas din 2020 Netflix te released korishe. Streamer para koishe 44 million manuh khan para We can be Heroes film toh first 28 din pithor te saishe. Chopra Jonas para koishe, film lagfa  follow-up Netflix te olaishe aro Rodriguez wabas ahibo. Heroics Headquarters projection: 44 MILLION FAMILIES khan para WE CAN BE HEROES toh first 4 hafta te saishe!! Tangor khobor toh : Heros khan tuita round te ahishe”, koikena tai para lekishe. Hollywood Reporter para koishe, Netflix te viewship toh tui minute subscriber para saishe. 2020 Christmas hafta December 25 para December 31 darik te serive sobse tangor record thakishe. We Can Be Heroes te Chopra Jonas para bacha group ke loikena planet toh pachaboli korishe, tai khan ke aliens para kidnapped kora te. Rodriguez para Mexico trilogy films neshina El Mariachi, Desparado and Once Upon a Time in Mexico, Alita: Battle Angel toh be bonaishe aro directed korikena ase. Chopra Jonas jarikena film te Pedro Pascal, Christian Slater, Boyd Holbrook, Sung Kang aro veteran actor Christopher McDonald olaishe. Bacha stars Akira Akbar, Nathan Blair, Andrew Diaz, Andy Walken aro Hala Finley ase. Etai samai Chopra Jonas para Text For You here film bonai ase koishe.