January 8, 2021. Thursday din Japanese government para Tokyo aro tinta jag ate 1 moina nemite state of emergency junaishe. Cornavirus cases besi otha nemite aro cases toh rokaboli kam te Friday din para soru koribo. Economy Minister Yasutoshi Nishimura para advisers khan logot meeting korikena government para January 8 darik para February 7 darik dak state of emergency thakiboli fesla loishe. Restrictions centre neshina- bars aro restaurants te hoshari kam koribo aro etu jaga toh government para risk jaga ase koishe. Dosura desh khan neshina bemari toh besi serious nahoilebi, Japan te hotai notun bemari cases toh 6,000 first time Wednesday din te paishe, koikena public broadcaster NHK para koishe, etu oper te capital Tokyo te 1,591 positive tests paikena ase. Prime Minister Yoshihide Suga para news conference 6 p.m. (0900 GMT) te loboli ase aro etu samai Tokyo aro osor jaga Saitama, Kanagawa aro Chiba fesla lowa toh janai thibo. Hoilebi, Medical experts khan para koishe, government laga plan toh phui ase keli koile desh te cases toh besi jaiase. Government officials para experts khan logot etu hafta kotha kori ase aro bemari othi thaka toh control te aniboli kam kori ase. Tokyo Olympics nemite aro duniyaa laga sobse tangor economy pithor te tinta wala desh te, Suga para restrictions toh limited korikena ase. Thursday din Economy Minister Nishimura para koishe, state of emergency samai kam koriboli toh restaurants aro bars toh 8 p.m. te bond koribo aro Friday din para manuh khan logot kam nathaka te bahar najaboli aro sporting aro tangor event te 5000 manuh limited kori thishe. Prime Minister Suga para aro koishe, state-of-emergency samai eateries aro bars laga samia toh komti koribo. Experts para koishe bemari pheliboli risk ase. Bapana tangor ekta toh Wednesday din Osaka te notun cases toh puila laga record oper te jaikena 560 paishe, etu samai Hokkaido te bemari cases toh 100 first time nemite paishe.
Tokyo te COVID-19 cases otha nemite state of emergency junaishe
