Myanmar Police para 100 Rohingyas thurishe

January 9, 2021. Rohingyas 100 neshina Myanmar laga Rakhine state para loikena jaa khan ke Yangon te thurishe. Local police para koishe, eku manuh ke Malaysia te trafficking network nemite loikena jai thaka ase. Etu manuh kahn ke loikena jaa toh Wednesday din Yangon Police para besari kora samai tuita(2) ghor Shwepyitha jag ate thurishe. Sob melaikena 99 Rohingyas khan ke tuita(2) ghor te thurishe. “tai khan toh Maungdaw, Buthidaung, Sittwe aro Kyauktaw town (Rakhine state) para ahikena Malaysia te kam koriboli jai thaka ase” koikena Tin Maung Lwin laga deputy police superintendent para media manuh logot janai thishe. Video te local media para thika hesab te Rohingya khan toh teng kali te mask lakaikena multi-story ghor osor te moina oper te lokaina thakishe. 73 group manuh toh maiki khan thakishe, koikena Tin Maung Lwin para AFP logot koishe aro tai khan logot bacha umer 5 sal para loikena 10 dak ase. Police boss Lwin para koishe, maiki manuh toh tai khan laga mota Malaysia pongchikena thaka logot meliboli jaa laga ase. Tai khan ke local university te quarantined te rakishe aro coronavirus bemari toh tested kori thishe koikena Arakan City Cooperation Network Rohingya aid group,  Kyaw Soe Aung para janaishe. “ami khan para hona hesab te tai khan tin din para eku kanai etu nemite khana aro kapra jaa kali thishe,” koikena Aung para koishe. Police para koishe ke, authorities para first suspect manuh ke alert korishe aro tai toh Burmese kotha be kuboli parai nai. Tai logot jaa samai dosura manuh khan ke be paishe. Etu samai smugglers kaun be thura nai. Hoilebi, Yangon Police para traffickers kahn ke janiboli deya nai koishe.