Naga Students Union Pune logot Governor kotha kurise

Naga Students Union Pune logot Governor kotha kurise

PUNE, SEPTEMBER 29 : Nagaland Governor, Shri PB Acharya toh Naga Students’ Union, Pune laga members kan logot ELTIS, Symbiosis Pune te September 28^th, 2018 te lok kurikena kotha kurise. Etu time te tai lekha-bura kan porahi society toh ekta bhal aro kathara kuride. Aro education toh bemar nahui huilebi ulta ekta bhal laga ase (solution) koi kena janaide thakise.

Governor porabi Students kan ke local kotha shekibole kuribi. Kele etu porahi alak-alak cultural laga kotha jani kena bhal rasta te anediya hobo. Aro etu porahi Nagas laga culture aro traditions toh ahkete anediya hobo koi kena.

Etu kotha kuribole aha karne Governor ke Naga Students’ Union Pune laga President, Smti Lulu N Lohe aro tai (Her) laga Executives kan pora besi khushi baa kotha janaide thakise. Aro Shri SK Souriio Hitler, purana President aro Advisor porabi alak jaka laga Governor (Governor from outside) ahe kena Naga manu kan Pune te thaka logot kotha kura toh ahke wala ase koi kena janaide thakise. Aro etu nesena kotha toh ahebole laga din te bi kotha kuribole bari koi kena bisas kuri ase koi kena janaide thakise.