Agencies, 10 January: Emile Smith-Rowe aro Pierre-Emerick Aubameyang para extra time te score kora thakise. Etu para Mikel Arteta laga side toh FA Cup defence te Newcastle United kelaaf 2-0 para jetikena suru korise. Etu toh Saturday te Emirates Stadium jaga te third round te thakise.
Substitute Smith-Rowe ke toh sueu te referee Chris Kavanagh para red card dekhaideya thakise hoilebe VAR review bechite yellow card te namaideya thakise.
20 sal midfielder toh suru goal kora thakise. Tai ball te toh box pithor Alexandre Lacazette para powa thakise aro tai laga shot te Newcastle goalkeeper Martin Dubravka toh rokhabole napara thakise.
Aubameyang para be extra samai laga final minutes te ektum osor range para goal powa thakise. Etu para Arsenal toh sob competitions te sob jarta games te jeti thaka bonabole parishe.
Saturday te Manchester United be FA Cup laga fourth round te kushibole parishe. Etu toh Watford kelaaf te 1-0 para jetikena. Etu toh fifth minute te Scott Mc Tominay laga header para thakise.
Add Comment