Amitabh Bachchan Twitter A/c te 45 million followers hoishe

January 10. Saturday din Megastar Amitabh Bachchan Twitter te 45million followers hoishe. 78 umer star toh Bollywood pithor Twitter te sobse active ase. Tai para social media platforms nehsina Facebook aro Instagram aro dosura te personal blog ase. Twitter te actor para fans khan logot kushi janaishe, tai para puran black & white photo chokra samai laga post korishe. Photo te fan para lika toh “45 million toh Pujya Maa aro Pujya Babuji laga blessing para otha ase”. Etu bahana te Bachchan para koishe, “etu photo te besi kotha ase..etu ‘Coolie’ accident para pachikena ghor te ajishe. Etu first time ase baba mon dukh hoishe. 1982 sal te Bachchan toh Bangalore te Manmohan Desai’s Coolie shooting kora samai jokom paishe. Tai hospitalized hoikena bhal hoboli besi moina loishe. Megastar koishe. Actor laga Facebook te 29 million followers aro Instagram te 24.5 million hoikena ase koishe. Itya dak India te Prime Minister Narendra Modi laga sobse popular Twitter te 64.7 million followers ase. Kam kora te veteran actor toh Ayan Mukherji-directed Brahmastra, Nagraj Manjule’s Jhund and Rumi Jaffrey’s Chehre te olaboli ase. Olop din akhe te Mayday te samil korishe aro etu actor-filmmaker Ajay Devgn para directed kora ase.