January 10, 2021. Bollywood actor Sonu Sood para Bombay High Court te tai logot Brihanmumbai Municipal Corporation (BMC) para suburban Juhu te residential building te kam kora nemite issued kora kelaaf te Court te jaishe koishe. Jaa hafta Sood laga advocate D P Singh para petition filed korikena koishe, tai para eku “illegal nahoile unauthorized” kam korikena nai, etu jaga toh six-storey Shakti Sagar building ase. Single bench of Justice Prithviraj Chavan para Monday din petition toh honibo. “petitioner (Sood) para building te eku beya kam kora nai aro tai ke BMC para warrant thishe. Maharashtra Regional aro Town Planning (MRTP) Act te thaka neshina kam toh korishe,” koikena Singh para janaishe. Petition para kowa toh jaa sal October moina te BMC para notice deya toh court para honibo aro actor oper te eku action loboli nai. Jaa sal BMC laga notice toh powa beche actor para civil court te jaishe, hoilebi eku howa nai, etu nemite tai para high court te aro jaishe. Jaa Monday din BMC para Juhu police station te complaint filed korishe, Sood para residential building toh permission naloikena hotel bona nemite ase koishe. Police para FIR toh registered koriboli ase. Sood para film neshina like “Dabangg”, “Jodha Akbar” aro “Simmba” act korikena ase aro tai para COVID-19 lockdown thaka samai manuh besi logot motob korikena thaka toh janiase.
Add Comment