Kim Jong-un ke ruling worker’s party te General Secy junishe

January 11, 2021. North Korea para desh laga supreme leader Kim Jong-un logot eighth Congress te ruling Workers’ Party of Korea laga General Secretary junishe, koikena Monday din state-media laga khobor hesab te junaishe. Pyongyang’s official Korean Central News Agency para khobor ekta te koishe, election toh Sunday din capital city te Congress laga sixth-day session thakishe aro etu samai North’s revision party rules toh secretariat system hesab te bonaishe. “8th Congress para Kim Jong-un ke Workers’ Party of Korea nemite General Secretary juniboli fesla korishe aro etu te delegates, dosura Party members, People’s Army aro manuh khan para be kushi paishe”, koikena KCNA para khobor kowa toh Yonhap News Agency para janaishe. Puila te General Secretary title toh Kim laga baba aro Kim Jong-il aro grandfather Kim Il-sung para thurikena thakishe. Hoilebi, 2011 te Kim laga baba mora nemite tai para office toh thurishe. North te party laga “eternal General Secretary” toh Kim Jong-il ase aro North Korea laga “eternal president” toh Kim Il-sung ase. KCNA para koishe, Monday din te Congress khan para seventh-day session toh loboli ase koishe.