GUWAHATI: Dima Hasao laga District Election Officer para 5 jun polling officers logot suspended thishe. Etu officers khan toh sector officer, presiding officer aro tin(3) jun dosura 107-A Khothlir L.P. School laga polling officers ase. Officers khan para duty te kam thik nakora nemite ase koishe. Monday din officials statement hesab te April 1, 2021 darik te Dima Hasao pithor Haflong constituency laga polling station (107-A Khothlir L.P. School) te sob melaikena 181 votes para vote thishe. Hoilebi, electoral roll hesab te etu polling station te kali 90 electors ase. “presiding officer laga diary aro dosura documents scrutiny kora te 107-A Khothlir L.P. School te presiding officer aro polling officers khan para etu polling station te 90 vote ekla thaka te 181 manuh logot votes thiboli thishe,” koikena statement para janaishe. DEO laga kotha hesab te, Assembly election nemite etu polling station toh 1st time bona ase, keli koile remote jaga te vote thiboli nemite manuh ke bonai deya ase, etu jaga te jowa paar parliamentary election te polling percentage toh 34 per cent thakishe.
Add Comment