Agencies, 07 April: 2009 film ‘Harry Potter aro Half-Blood Prince te ola actor toh demak bemari (brain tumour) para 54 omar te morise. Ritter be family patriarch Martin in Channel 4’s Friday Night Dinner te Tamsin Greig, Simon Bird aro Tom Rosenthal logote thakise. Tai ke toh ‘Harry Potter’ film te tai laga part wizard Eldred Worple nemite besi jani.
E!News para khobor hisab te, British actor toh Monday te morise. NBC te Ritter laga representatives para Paul Ritter jowa rati mora te ektum mondukh howa janaishe.
Tai khor te aram para morise aro tai laga side te tai laga maike (wife) Polly aro chokara Frank aro Noah ase koise. Tai toh 54 omar (age) thakise aro tai demak bemari (brain tumour) para dukh pai thakise koise.
Message te koise, “Paul toh ektum talented actor thakise. Tai stage te besi variety laga roles korise aro extraordinary skill logote screen korise. Tai gara demak dhar, man uke morom kora aro ektum funny thakise. Tai ke ami khan besi miss kori thakibo”.
Add Comment