Kohima, 08 April: Yongja bosti, Longleng te dangor jui hatsa te tuita khor pura julishe aro tinta manu jokhom paise. Etu hatsa toh April 6th laga adha rati aro 7th, 2021 samai te thakise. PRO, HQ IGAR (N) para khobor janaideya hisab te, Mokokchung Battalion of Assam Rifles para HQ IGAR (N) laga aegis te lakiya motob toh jui hatsa para khor lost howa victims ke deshe.
Tuita khor pura jui para jol ate sob melikena seven family members toh thakise koise. Assam Rifles laga sepai khan jui hatsa opor te jani kena joldi hatsa jaga te jaise aro manu aro saman khan hataishe koise.
PRO para be tinta manu toh serious jokhom powa thakise aro Assam Rifles medical team para tai khan ke basic first aid treatment deshe koise.
Battalion para be victims ke basic kaam laga saman khan deshe koise. PRO para Assam Rifles laga initiative aro proactive action nemite District Administration aro locals para besi appreciate korise koise.
Add Comment