ECI: Assam Assembly election te 99% complaints paishe

April 9, 2021. April 6 darik, Assam te 3^rd phase Assembly elections thaka samai 1,374 complaints powa pithor te 99 per cent toh Election Commission para fesla korishe koishe. Election officials para koishe ke, tai khan logot alag-alag political parties, individuals aro organizations laga hath para ,374 complaints paishe. Thursday din te kali tuita(2) complaints toh pending te ase koishe. 1,374 complaints pihtor te, 938 complaints toh permission  naloikena posters aro banners thala nemite thakishe, dosura tangor complains toh poisa bakh kora te 30 complains paishe, oudspeakers nemite 14 complains paishe, modu oper te 14 compalints, permission naloikena convoy te 14 thakishe aro banned samai campaign kora te 13 complaints paishe koishe. Officials laga khobor hesab te, model code of conduct pithor te 1,374 complaints thakishe aro etu complaints toh February 26 te Election Commission para election thakiboli junai deya akhe para hoikena thaka ase koishe. Assam te 126-member Assam Assembly nemite 3^rd phase election toh March 27, April 1 aro April 6 darik te loishe. Voting result toh May 2 darik te junai thiboli ase koishe.