Agencies, 10 April: Kangana Ranaut laga ektum rokha film “Thalaivi” toh postpone hoise. Film toh etu moina screens koribole schedule thakise hoilebe film bona para Friday te film deri korideya khobor janaishe. Statement te coronavirus cases othi thaka nemite aro manu laga safety te shai kena film olabole toh deri kori deshe koise. “Thalaivi” toh Tamil Nadu laga late former chief minister J. Jayalalithaa opor te ase aro actress para state te kenaka gara politician hoi dekhai.
Statement te Thalaivi laga team para film bona te tai khan sacrifice kora aro pandemic karni challenging samai cust aro crew laga support nemite dhanyabad janaishe. Film toh besi languages te bonaise aro eki din te sob languages te olabole mon ase koise. Hoilebe COVID-19 cases othi thaka aro government rules aro regulation te mani kena film toh 23rd April te olabole pura daiyar thakise koilebe postpone kori debole fesla korise koise. Statement te be tai khan apuni khan sob para motob pabole mondangor howa janaishe aro sob laga support nemite agae shai ase koise.
AL Vijay para direct kora tringual film toh Hindi, Tamil aro Telugu te olabo. Film te key roles toh Arvind Swami, Prakash Raj, Madhoo aro Bhagyashree ase.
Add Comment