AGARTALA: Monday din 24 gonda pithor Tripura te 48 notun COVID-19 cases thurishe, etu sob melaikena itya dak state te 33,833 bemari cases ase koikena Health Department laga bulletin hesab te janaishe . Tripura te active cases toh 233 ase. 33,833 positive cases pithor te 33,083 manuh bemari bhal hoishe aro 391 manuh morikena ase. Tripura te manuh mora rate toh 1.16 per cent ase- Northeast te sobse besi wala ase. Northeast te Assam beche Tripura toh 2nd sobse besi cases ase aro rate toh 5.16 per cent hoikena ase. India te COVID-19 2nd wave jai thaka samai, konuba states te toh COVID-19 bemari cases toh besi joldi othi ase. Tripura Chief Secretary para olop din akhe te notun COVID-19 guidelines deya te khobor para koishe ke, manuh khan besi para etu neum toh namanikena ase. Tripura Tribal Areas Autonomous District Council elections nemite political leaders khan para be campaign kora samai masks nalakaina perai thakishe koishe.
Tripura te notun 48 COVID-19 cases paishe
Add Comment