NEW DELHI: COVID-19 cases besi otha nemite, Wednesday din Central Board of School Education (CBSE) para class 10 board exams toh cancelled korishe koikena junaishe aro class 12 board exams nemite darik aro samai toh olop din thaka beche janai thibo koishe. Etu khobor toh Wednesday din Prime Minister Narendra Modi logot high-level meeting thaka beche fesla loishe. Education Minister Ramesh Pokhriyal Nishank aro dosura government officials khan be meeting samai thakishe. “Class Xth Board Exams toh 4th May para June 14th, 2021 dak loboli thaka toh cancelled hoishe. Class Xth Board result toh Board para objective criterion bona oper te thakibo,” koikena Nishank para janaishe. “Class XIIth Board Exams May 4th para June 14th, 2021 dak loboli thaka toh postponed korishe aro exam toh etu beche te lobo. Situation toh 1st June 2021 te board para saikena details toh janai thibo koishe. Exam soruh nahow akhe te 15 din thaka samai khobor toh junai thibo,” tai para koishe. Etu samai, Delhi Chief Minister Arvind Kejriwal para koishe ke, “exams cancelled/postponed kora nemite ami besi kushi ase, keli koile lakhs neshina students aro tai khan laga parents nemite tangor aram paishe.” Olop din akhe te Kejriwal para COVID-19 cases besi howa nemite CBSE logot board exam toh saboli request korikena thakishe.
Add Comment