Arunachal te Covid19 tests dham pulti korishe

April 15, 2021. Arunachal Pradesh te Covid-19 positive cases besi othi-thaka nemite government para Covid-19 tests charges toh revised korishe. Arunachal Pradesh Governor para notification te junaishe ke, Covid19 tests –RAT) (Rapid Antigen Test), RT-PCR (Reverse Transcription-Polymerase Chain Reaction) aro TrueNat tests charges toh revised kori thishe. Revised charges junai deya te, Arunachal Pradesh government laga chief secretary, Naresh Kumar para Wednesday (April 14) din te notification deya te duniyaa te Covid19 situation toh saikena Union health & family welfare ministry para fesla toh junaishe. The charges for Covid19 testing have been revised for Arunachal Pradesh in partial modification to the Arunachal Pradesh government’s notification No. Secy. (Health)/SOP-11/2020, dated December 18, 2020. Arunachal Pradesh government para notun notification issued kora te RT-PCR/TrueNat test laga revised rate toh per test te Rs 500 loboli koishe. Notification hesab te RAT laga revised rate toh Rs 200 per test kori dishe. Revised charges toh strict kam te immediate effect para jolabo”, koikena notification te janaishe. Etu samai, Arunachal Pradesh government para shaty kora samai manuh toh 100 te restricted korishe. Festivals, religious, cultural, prayers aro rituals te manuh 50 oper nahobo aro etu samai Covid neum hesab te mask lakaina, sanitize aro physical distance jalaboli laki,” koikena notification te janaishe. Covid19 bulletin April 13, 2021, 8:40 pm hesab te Arunachal Pradesh te 14 notun Covid19 positive cases paishe aro sob melaikena 638 samples tested korishe. Notun cases pithor te 7 toh symptomatic aro 7toh asymptomatic cases thakishe. Notun cases thura nemite Arunachal Pradesh te Covid19 tally toh 16,902 te othishe aro 16791 manuh discharged hoishe. Covid-19 bemari para 56 manuh morikena ase aro mora rate toh 0.33% ase aro bhal howa rate toh 99.34% ase. Itya dak Arunachal Pradesh te sob melaikena Covid-19 active cases toh 55 ase koishe.