KOHIMA, SEPTEMBER 30 : Department of Employment Skill Development & Entrepreneur (ESD&E), Nagaland, Kohima laga kan jaijabole Director, Y Vandhanshan Lotha nemite chari jaijabole din manaise. Etubi Office Multipurpose Hall, 29th September 2018 te.
Etu din te chari kena jaijabole kotha kurikena Y Vandhanshan pora Isor laga bhal kam aro motub nemite besi khushi baa kotha janaide thakise. Etubi tai etu Department kam kurikena thaka majutte bhal te thakibole diya karne. Kotha kurikena tai bi tai eneka rokhibole time hua thik te tai neju laga amma bi zinda te thaka nemite besi khushi baa kotha janaide thakise koise. Etu oporte tai bi etu Department laga Officials kan ke etu Department ahkete bhal te luijai kena thakibole karne bhal te mon de kena kam kuribole kuribi aro ekjun-ekjun ke mela-mele kurikena kam kuribole kuribi koi kena janaide thakise koise.
Etu din te kotha kurikena Commissioner & Secretary, Anenla T Sato pora etu jaijabole Director ke salam diya janaide thakise. Kele tai etu Department te kam kurikena bhal te khotum kuribole bara karne. Tai bi etu Director toh Department te kam kurikena katta porahi thakise. Huilebi tai besi bhal pora kam kurikena etu Department te bhal kuride kena thakise koi kena janaide thakise. Aro tai bi etu Director ke ekta bhal manu bhal adat thaka manu ase koi kena besi khushi (appreciation) baa janaise. Aro etu nesena ahebole laga Officers bi eneka bhal kam hi kurikena etu Department toh ahkete luijabole bari koi kena tai laga babuna janaise koise.
Etu din laga Programme toh Joint Director, Chiden Yaden pora ahkete luijai kena manaidese (chaired). Department laga naam pora Speech toh ahebole laga Director C Lotam Chang pora kuridese. Short Speeches toh etu District Officers laga naam pora REO, Leiwang Konyak aro Principal, H Alongse Sangram pora kuridese. Special Song toh Neitsobeiu aro tai laga shati kan pora kuridese. Aro jaijabole Director laga Service Bio-Data kan toh Meguoselhou Registrar pora janaidese koise.
Add Comment