Agencies, 22 April: Besi celebrities khan agae ahai ase COVID dekthari samai te motob debole nemite. Tai khan majote ekta superstar Chiranjeevi para social media te free coronavirus dawai toh cinema workers aro journalists ke debole janaishe. Twitter te video share korikena ‘Acharya’ actor para Corona Crisis Charity (CCC) para free vaccine drive lobole janaishe aro etu toh April 22 te suru hobo. 45 omar para opor khan eligible hobo aro tai logote tai khan laga spouses be anibo paribo judi dose lobole eligible hoile. Tai para manu khan respective associations te nejor enroll hobole koise aro drive toh ek moina jai thakibo koise.
Jowa sal ketiya pandemic para desh te dekthari deshe, Tollywood actors Prabhas, Ram Charan, Jr NTR, Kajal Aggarwal aro Nagarjuna nesana para Corona Crisis Charity organization te donate kora thakise. Etu para kaam kora khan ke tai khan laga bhaat aro tusara kaam saman toh lockdown samai te motob powa thakise.
Chiranjeevi para be relief fund hisab te ₹1 crore donate kora thakise.
Kaam te, Chiranjeevi toh Acharya te tai laga chokara Ram Charan logote dekhibole ase. Film toh Koratala Siva para direct korise aro Matinee Entertainment aro Konidela Productions melikena olabo. Etu ekala nahoi kena tai be RRR te kaam laga role kora thakibo aro etu toh Dussehra October 13 te olabole bhabona ase. Etu toh Telugu, Tamil, Hindi, Malayalam, Kannada aro tusara besi Indian languages te ola thakibo.
Add Comment