NEW DELHI:Ahibole thaka ISSF World Cup Baku, Azerbaijan te lobole thaka toh Tokyo Olympics nohoa akhe te nalobole ase etu bi host desh te covid19 cases toh bishi utha nimete.
Etu tournament toh June 21 para July 2 tak lobole ase aro etu toh ekta bhal ground ase sob shooters nimete kun khan Tokyo Olympics nimete jaa toh.
Azerbaijan Shooting Federation (ASF) para khobor dikena janaishe ki International Shooting Sport Federation ke kio covid19 cases utha nimete Azerbaijan te desh laga government para etu toh thik nai koikena janaishe aro ISSF World Cup in Baku te lobole thaka toh thik nathaka ase lobole nimete.”etu khobor toh world governing body ppara statement te koikena janaidiya thakishe.
Etu diya te saikena ami khan toh joborjosti khobor di ase ki ISSF World Cup Baku 2021 toh nalobole ase. ISSF para ASF kuwa te koikena janaishe”ami khan maaf mangi ase etu nimete hoilebi etu toh dusra solution nai kile koile toh participants khan laga health toh ami khan nimete priority ase.
India khan para 15-member contingent Tokyo Games te phutabole ase aro etu combined world cup baku te last top international outing thakishe shooters khan nimete etu sporting showpiece Japanese capital te nahoa akhe te.
Add Comment