KOHIMA, OCTOBER 2 : Mahatma Gandhi laga Thoughts & Philosophy nemite Seminar manaise. Etubi tai (Mahatma Gandhi) laga 150th junum din nemite. Aro etu din toh Raj Bhavan, Kohima te 2nd October 2018 te manaise. Etu ke Chief Host nemite Nagaland Governor Shri PB Acharya thakise aro Guest of Honour nemite Minister Higher Education Shri Temjen Imna Along thakise koise.
Key Note Address kurikena Minister Temjen Imna Along pora chuti kun huilebi Mahatma Gandhi laga neum aro adat (principle) kan julabole kurise koile etu manu nahuile desh nahuile ki huilebi etu kan toh ahkete bhal te jabole baribo koi kena janaide thakise. Etubi ami kan desh ekela kehi nahui kena duniya sob kebi etu neum aro adat julabole kurise koile koi kena. Tai bi Mahatma koi kena mata toh ekta hisab kura aro morom kura laga (respect and love) naam ase. Etu karne tai etu kotha janaide kena Students kan ke mon dangor kura kotha janaide thakise. Etubi etu Mahatma nesena thakibole kurikena aro adat julabole kurikena ami kan ahebole bacha kan aro ahebole din te bhal te ahkete luijabole kuribi koi kena.
Nagaland Governor PB Acharya porabi etu din te kotha kurikena Gandhiji laga husa, bhal adat aro bhal neum-seum (truth, morality and ethics) kan toh ami kan desh majutte edia dak bi bhal te yaat te ase. Aro tai laga adat aro neum kan porahi manu-manu majutte aro Administrative sectors kan India te ahkete jabole de ase koi kena janaide thakise.
Governor bi India Sorkar kan Swachh Bharat Mission, Clean India koi kena 2nd October 2019 pora banaidebole laga toh Gandhiji laga 150th junum din hobole hua pora aro Make In India campaign laga naam pora hi manabole kura laga ase. Etubi ami kan desh laga ki-ki ahkete luijabole karne (enhance manufacturing capability) koi kena. Aro etu toh Gandhiji laga ekta bhal babuna (significant part) ase koise. Tai bi Students kan ke Gandhiji laga adat aro neum aro kotha kan yaat kurikena aro jani kena neju nemite ahkete jeevan toh bhal te luijabole kuribi koi kena janaide thakise.
Etu din laga Programme te Welcome Address aro Opening Remark toh etu Programme laga Chairperson aro Vice Chancellor, NU, Prof Pardeshi Lal pora kuridese. “Thoughts & Philosophy of Mahatma Gandhi” laga kotha toh Prof Laltluangliana Khiangte, Deaprtment of Mizoram University, Dr. S Priyokumar Singh, Visitor’s Nominee, St Josephs University, Nagaland, Dr (Prof) Manisha Barua, Guwahati University, Dr, Athungo, Nagaland University aro Shri Shyam Bhurke, Writer aro social worker, Pune laga kan pora kuridese aro janaidese. Etu bejete Panel kan kotha kurise (had discussion) koise.
Governor porabi Department of Higher Education pora District Level Quiz Competition manaidiya ke kun-kun chetise etu kan ke Awards kan dedese. Ahkete etu Programme suru nakura ahkete Governor Acharya pora lamp julai kena suru kuridese aro ami kand esh laga Bapa, Gandhiji ke hisab janaide thakise koise. Aro Non Violence aro Peace nemite Pledge toh Secretary Home, Government of Nagaland, Shri Rovilato Mor pora kuridese koise.
Add Comment