DIMAPUR, OCTOBER 2 : Ami kan state sob jaka te Mass Social Work manabole kura ke melekena Dimapur District kan bi District Administration pora ahkete luijai kena etu din toh 29th September pora suru kurikena 2nd October 2018 dak bhal te manai kena manaidese.
Etu din khotum kuridebole Programme toh D.C. Conference Hall te 2nd October 2018 te manaise. Etu Programme te kotha kurikena D.C. Dimapur, Sushil Kumar Patel pora etu Mass Social Work toh Dimapur te sob manu alak-alak community pora ahe kena hisha kurikena ekte ki-ki bhal din mana nesena manabole kurise. Etubi etu ekta kam nemite sob manu eke pora melekena kam kuribole kura ke koi kena. Etu karne tai bi etu nesena ahebole din te bi eke pora mon melekena eneka kam kuribole kuribi koi kena janaide thakise koise. Tai bi Youths, Chairman, NGOs aro tusera kan sob ke bhal kotha janaide thakise. Etu oporte alak-alak Department kan aro tusera kan (individuals) saman aro hadiyar (machineries) kan etu sabha-sabhi kuribole karne anede kena motub kura karne besi khushi baa janaise koise.
Etu sabha-sabhi thaka jaka nemite bi Award dedese. Etubi Bosti/Ward hisabte kun sabha-sabhi rakhibole kuri etu kan ke. Aro etu nemite Award toh ahkete Indisen bosti kan baise. 2nd te Duncan Bosti baise aro 3rd te Kuda Village B Khel kan baise. Aro tai kan 2 jun ke etu Programme te hi cash prizes dedese koise. Etu Programme toh EAC Dimapur, Tsidi pora ahkete luijai kena manaidese. Prathana toh Lima, Youth Evangelist pora kuridese. Aro Vote of Thanks toh ADC, Dimapur, Albert Ezung pora kuridese koise.
Add Comment