Agencies, 04 May: Bollywood actor Kangana Ranaut laga Twitter account suspend kori deshe. Actress para tweet te West Bengal Chief Minister Mamata Banerjee opor te janaideya thakise. Etu bechite microblogging platform para suspend kori deshe. Sunday din Bengal te Assembly Elections results janaideya bechite goldogol ola thakise aro actress para react kora thakise. Kangana laga tweet para platform laga rules te violate korise koise. Mamata Banerjee-led Trinamool Congress (TMC) para jet bechite actress para state te president’s rule demand kora thakise.
Ruling TMC para 212 seats toh sob melikena 292 seats laga te jetise. Poling toh March aro April te eight phases te lowa thakise. BJP toh 77 seats para main opposition party olaise. Trinamool Congress chief Mamata Banerjee para third par nemite West Bengal Chief Minister karni Wednesday, May 5 te wada lobo. Actress para be tai laga twitter account suspend kora nemite tai awas othabo karni tusara platform tai laga film be melikena ase koise.
Kaam te Kangana toh next tai laga ahibole film Thalaivi te dekhibole ase. Film toh Hindi, Tamil aro Telugu te olabole ase. Etu film toh April 23 te olabole schedule thakise hoilebe COVID19 laga second wave otha nemtie postpone korise.
Add Comment