Agencies, 04 May: Superstar Salman Khan-led action movie “Radhe: Your Most Wanted Bhai” te U/A certificate toh Central Board of Film Certification (CBFC) para paise. Prabhudheva para direct kora film te Khan ase. CBFC certificate, board laga official website te share kroa te, film te UA (Unrestricted Public Exhibition-But With Parental Guidance) certificate deshe koise.
Action drama toh jowa sal May 22 te cinema halls te olabole scheduled thakise hoilebe coronavirus pandemic nemite deri kori deya thakise. Film toh etiya Eid mana din May 13 te olabole daiyar te ase.
“Radhe’ toh India para first major film ase May 13 te 40 opor desh te olabole nemite. Etu toh besi platforms- OTT aro DTH services be melikena olabole ase aro pay-per-view broadcast platform Zee Plex te be olabole ase. Etu toh Middle East, North America, Australia, New Zealand, Singapore aro Europe te olabole ase aro jowa sal lockdown bechae para UK te first Bollywood film ola hobo.
Olob din agae te film ‘Radhe’ laga second gana, ‘Dil De Diya’ toh ola thakise. Salman para gana toh social media te share kora thakise. Music video te Jacqueline Fernandes toh actor logote thenk (leg) hela thakise aro gana te besi appreciation toh YouTube para paise.
Film te Disha Patani, Jackie Shroff, Randeep Hooda aro Gautam Gulati be ase aro etu film toh Salman Khan Films para ZEE Studios logote melikena present korise. Etu film toh Salma Khan, Sohail Khan aro Reel Life Production Private Limited para bona laga ase.
Add Comment