KADUNA, NIGERIA: Nigeria’s Kaduna state te thaka foresty college laga 29 students khan thurikena thaka toh kidnappers khan para tai khan ke utha dui moina pichede charidishe.
Gunmen para 39 students khan ke Federal College of Forestry Mechanization northwest Nigeria March 11 para uthaishe aro akhe te 11 jun ke charidiseh.etu nutun ola diya students khan police headquarters Kaduna city Wednesday rati te punchise komjor aro letra aro phata kapara lagaikena paishe.
Ekta maiki student toh ekla berabole paranai aro tai ke building te uthaikena luijaishe aro dusra toh hospital te luijaishe.
Police para journalist khan ke students logote kotha kuribole dianai.komti hoilebi 700 manu khan northwest Nigeria December moina para uthaishe ekta kidnapping nimete ransom karne etu volatile region te.
Kaduna Governor Nasir El-Rufai para koikena janaishe tai laga state government khan bandits logote kotha nakuribo etu te criminal gangs khan janeh nohoile toh poisa nadibo.
Abdullahi Usman, chairman of the parents’ association para koi kena janaishe poisa toh akhe para dishe students khan ke charibole nimete hoilebi kuwa nai kun para dishe aro keeman dishe.
Friday sanni duita utha bacha laga baba para koikena janaishe police khan para ama baba khan ke tai khan ke sabole dianai.tai rukha smaay te tai laga maiki bacha Rejoice, 17, and Victory, 19 laga fate t oh rukhi thakishe.
Tai para koikena janaiseh”ami tai khan sob nimete prathana kuri ase.” President Muhammadu Buhari para statement dishe etu bi 27 students ke charidiya te khushi paishe tai laga office para jawab dianai etu number laga discrepancy nimete.
Kaduna police spokesman Mohammed Jalige para koikena janaishe sob bachikena thaka students khan ke olaidishe aro medical examination lobo tai khan ke Thursday din te nachara akhete.
Samuel Aruwan, the Kaduna state commissioner for internal security, para statement te koikena janaiseh etu government khan khushi paishe etu freed st udents khan nimete aro tai khan ke matishe poila laga kotha charikena mondikena kaam kuribole nimete bhal future thakibole nimete.”
Tai para okobi kuwanai poisa toh dishe na nai hudah te.
