NEW DELHI: Indian rowers Arjun Lal Jat and Arvind Singh toh men’s lightweight double sculls event karne Olympics nimete qualify kurishe etu bi Asia/Oceania Continental Qualifying Regatta Tokyo Friday din laga final race te second te aha pichede.
Aro ekta indian Jakar khan toh fourth te ahise men’s singles sculls final te kuntu te paanchta Olympic quotas khan dishe hoilebi tai miss kurishe kile koile ekta desh toh khali ekta qualifying spot pai tai laga regatta te.
Olympics nimete top three toh qualify kureh men’s lightweight double sculls event te.Rowing Federation of India president Rajlaxmi Singh Deo para PTI ke koikena janaishe”ekta desh te khali ekta boat te qualify kuribOle pareh etu regatta para aro etu para Arjun Lal Jat and Arvind Singh second men’s lightweight double sculls, te puncha nimete qualify kuribo.”
“Jakar Khan toh fourth te ahise mens singles sculls te hoilebi tao toh Olympics nimete qualify kuribole paranai. Arjun Lal and Arvind Singh toh bhal jaka te thakishe second te.”
Arjun Lal and Arvind toh khali Indian rowers thakibo Tokyo Olympics nimete kuntu toh july 23 te khulishe etu te desh khan dusra Olympic qualifiers kan te bhaagh lobule naparibo covid19 pandemic nimete.
Deo para koikena janaishe”aro ekta Olympic qualifier ase Italy te hoilebi ami khan kunke bi naphutai ase covid19 situation nimete etu nimete etu toh ami khan laga khali ekta bhaagh luwa thakibo.”
Aro deadly second wave desh uporte kotha kura samay te etu para bishi desh khan india laga flights te bondh kurishe.
Ekta 14-member Indian team khan etu Sea Forest Waterway Tokyo Bay te event luwa te bhaagh loishe.
Add Comment