Longleng, 08 May: Longleng te Coffee bar cum distribution of coffee Pulper machines laga inauguration toh DPO, Office LRD Longleng jaga te 7th May 2021 te loise. Special guest nemite M.Shayung Phom, Deputy Commissioner Longleng thakise.
Program te DC para Land Resource department ke congratulate korise district te notun coffee bar logote agae aha nemite. DC para be aji kali laga Covid-10 situation opor te koise aro sob individuals para SOPs guidelines government para deya te gara manibole janaishe.
District administration, police aro Medical department toh district laga smooth function nemite kaam koribole laga ase koise hoilebe besi bosti para vaccination drive samai government logote namela dekhaise koise aro khali olob bosti manu khan para he vaccinate korise koise. Tai para sob individuals, farmers ke monn dangor korise bosti aro community pithor te awareness spread koribole aro joldi vaccination pabole nemite.
Farmers ke encourage korikena DC para machines laga ignorance para production te negative impact hobo koise aro keba kebi doubt thakise koile sob farmer khan agae ahibole aro department officials para janibole koise.
District Project Officer, LRD Longleng Kughalu Chichi para keynote address te Nagaland toh northeast states pithor te coffee laka te advanced ase koise aro farmer khan besi lakabole aro coffee plantation laga lab aro plantation opor te fellow farmers ke janidebole/hekabole koise.
Executive secretary PBCA Tialemba para short speech te koise, covid-19 pandemic nemite situation toh putli hoise. Tai koise, ami khan toh khali consumers he nahobo laki hoilebe ami khan ke pari produce korikena producers hobo laki besi phak coffee plantation te aro saman toh duniya laga tusara part te be export koribo laki.
Program laga highlight te special guest para Coffee bar inaugurate korise, DPO para coffee pulper machines demonstrate korise. Land Resources Department Longleng para beneficiary farmers ke 25 coffee Pulper machines deshe.
Add Comment