TURIN, ITALY: World Cup winning goalkeeper Gianluigi Buffon toh bhal nimete season khotom huwa picehde juventus charibo.
Buffon kun para tai laga career juventus te thakishe wapas ahise serie A te 2019 te etu bi Paris Saint-Germain te ek sal thaka pichede.
Etu 43-year-old Buffon para Tuesday te khobor dishe ki tai laga contract june te khotom huwa pichede etu toh tai laga career toh Bianconeri te last thakibo.
Buffon para beIN sport logote interview diya samay te koikena janaishe”mui laga future toh bhal ase etu toh bishi bhal experience thakishe Juve logote aro etu toh bhal para khotom hobole ase etu sal te.”
“mui kheli thaka rukhibo na nohoile mui ekta situ ation pabole mui ke motivation diya toh khelibole nimeter nohoile toh dusra jeevan experience thakibole nimete.mui etu toh sabo.”
“mui bhabona kurishe etu Juve nimete sob kura toh mui sob paishe aro etu toh nakuribole thaka toh ami khan ekta cycle khotom hoishe aro etu toh ekta ase etu dikdaar toh khotom kuribole nimete.
Buffon toh tai laga retirement toh 2017 te khobor dibole thakishe hoilebi sob manu ke asorit kurishe PSG te jaikena .etu toh ekta shock move thakishe tai etu sal te wapas aha pichede.
Buffon toh saata serie A appearance kurishe etu season te tinta clean sheet kurishe aro Bianconeri ke Italian cup final te punchaishe etu toh tai laga last thakibo Juventus te.Atlanta laga khilaaf final toh May 19 te ase/
Buffon toh juventus te parma para 2001 te ahise aro naam kamaishe duniya laga bhal goalkeeper te.
Tai para Bianconeri, logote milikena 10 serie a titles jitishe etu te four successive league aro cup doubles thakishe.
Buffon para aro bi Italy nimete record 176 international appearances kurishe etu para Azzuri ke 2006 World Cup jitaidishe.
Add Comment