Mizoram te Schools Class 12 dak aro bondh

May 13, 2021. Mizoram te schools classes pre-primary para loikena Class 12 dak toh state te Covid-19 bemari phile thaka rokabo nemite lockdown jai thaka nemite aro bondh thakibo koishe. School calendar hesab te, schools laga notun academic session 2021-2022, toh May 4 darik para kuliboli thakishe. Notification hesab te, Wednesday din state school education department para junaishe ke, schools laga notun academic session 2021-2022, classes (Pre-primary para class 12) toh dosura notun order naola dak aro suspended thakibo. Schools admission nemite online system para koribo, koikena notification te janaishe. Online classes toh suspended hoikena thaka samai jodi parishe koile schools aro institutions para neum toh bhal para jolaikena online classes toh thakiboli koishe. Mizoram te 2020-2021 saal nemite Elementary Schools te State Council of Educational Research & Training (SCERT) para bonaikena thaka 4-Week Alternative Academic Calendar toh sob elementary schools para jolaboli janaishe. Mizoram Board of School Education (MBSE) para bonaikena thaka Week-Wise Plan for Secondary & Higher Secondary schools toh sob secondary & higher secondary schools para normal classes suspension samai jolaboli lage, koikena notification te aro koishe. Etu samai, official para koishe ke, April moina te Classes 10 aro 12 board examinations loikena thaka results toh next moina te junai thiboli ase koishe. Covid-19 bemari nemite 1 saal neshina schools bondh thaka beche, Classes 10 aro 12 nemite schools toh etu saal January moina te kulishe aro class 9 toh February moina te kulishe. Classes 5 para 8 dak students nemite schools toh March te kulishe aro Classes 3 para 4 dak April moina te kulishe. Hoilebi, Classes 5 para 8 dak toh aro April 10 darik te bondh korishe aro etu beche sob educational institutions toh April 20 darik te aro bondh hoikena ase.