Agencies, 13 May: Besi Bollywood celebrities khan Covid relief te motob debo nemite agae ahishe. Khaa-lowa supplies, oxygen concentrators, shelters para financial motob tak, celebrities khan motob kori ase motob lakiya khan tak ponji ase. Priyanka Chopra aro tai laga American moda Nick Jonas para be COVID para dekthari khan nemite funds olabo karni charity organise korise. Tai jun para organise kora te $1 million ponjibole parishe. Thursday te ekta video share korikena Priyanka aro Nick para motob kora khan sob ke dhanyabad janaishe aro ami khan eki logote thek/phal ase koise.
Priyanka Chopra para ami khan laga history te olob andhera din thakise koilebe humanity para ami khan eki logote batter howa prove korise koikena lekhise. Nick Jonas aro tai toh apuni laga support aro duniya laga alak alak parts para India te motob nemite ektum humble howa lekhise. 14,000 opor phal Samaritans para tai khan laga monn khulishe aro etu kosish samai $1 Million othabo nemite motob korise koise. Gindi koribole napara tusara motob nemite process toh joldi koribole parishe koise.
Sob poisa ola toh desh te Oxygen Concentrators, Vaccine Support aro tusara khan besi para pothaishe koise. Ami khan motob debole jari thakibole paribo, etu para yati he narokhibo koise. Actress para be tai khan fund toh $3 Million nemite target korise aro apuni laga motob aro support para ami khan etu kamiyaab hobole jani thakise koise.
Add Comment