DUBAI: International Cricket Council (ICC)khan bhabona kuri ase T20 World Cup laga team toh 16 para 20 teams te uthabole nimete.
Etu te 2021 tournament, kuntu toh etia India te lobule thaka toh bodli nakuribo.ICC khan sai ase aro bi charta team etu tournament te anibole nimete 2024 edition para shuru kurikena.etu khobor toh ESPNCricinfo para koikena janaidiya thakishe.
Etu logote etu te aro bi kotha khan olai thakishe etu ICC toh 50-over World Cup te bhaagh luwa team laga number toh uthabole nimete.etu world cup toh 14 teams para 10 teams te komti kurishe 2019 para etu te manu khan kotha kuri ase broadcaster khan para koikena janaishe komti kuribole bhaagh luwa toh etu para one sided matches toh komti kuribole nimete.
Hoilebi etia kotha khan olai ase number toh 14 teams te wapas anibole nimete. T20 World Cup toh October November moina te lobule ase hoilebi etu te kotha khan olanai nai etu toh india para lobule nimete ase etu bi desh te covid 19 cases toh bishi ola nimete.
Etu pandemic para Indian Premier League (IPL) toh juwa haafta bondh kurishe. United Arab Emirates toh alag venue rakhikena ase etu tournament nimete.
Add Comment